SOMOS CAMBADOS AFRONTA CON MOITA ILUSIÓN OS ÚLTIMOS DÍAS DE CAMPAÑA CO CONVENCEMENTO DE TER OPCIÓNS REAIS DE LIDERAR O GOBERNO MUNICIPAL

O acto de central da campaña electoral de Somos Cambados supuxo unha nova dose de ilusión e optimismo para a formación liderada por Tino Cordal, quen destacou a capacidade e compromiso con Cambados dos integrantes da a súa candidatura para mellorar a calidade de vida de todos veciños, tanto os do centro da vila como os das parroquias do rural. No transcurso do mitin, que contou coa presentación de Olga González Vilas, directora da compañía de Teatro Caracol, interviron todos os candidatos de Somos Cambados, que se  encargaron de ir desgranando as propostas electorais do programa de goberno, e anunciando novas iniciativas, como o Plan Retorno, exposto pola empresaria e emigrante retornada Carol Laya, que ten como obxectivo facilitar o regreso á súa terra dos mozos cambadeses que traballan fóra.

Xurxo Charlín destacou que a boa situación económica pola que atravesan as arcas municipais permitirá afrontar a posta en marcha dun ambicioso programa de goberno, ao tempo que destacou que os continuos ataques do PP á candidatura liderada por Tino Cordal demostran que o rival a bater para os populares nestas eleccións é Somos Cambados.

Pola súa parte, Tino Cordal, candidato á alcaldía, destacou o compromiso de Somos Cambados por mellorar os servizos e infraestruturas das parroquias de Cambados, co obxecto de que os veciños do rural teñan as mesmas oportunidades que o resto dos cambadeses; así como a independencia de Somos Cambados que, asegurou, “só  ten como único obxectivo a defensa dos intereses de cambados e para elo non temos que pedir permiso a Pontevedra, Santiago ou Madrid, como o demostra a nosa reclamación por unha sanidade pública de calidade para os veciños de Cambados, a reforma do Centro de Saúde de Cambados e o reforzo de Pediatras, ou a reivindicación de Cambados como sede do Consello Regulador  ´Rías Baixas´”. 

A afluencia de público aos actos de Somos Cambados, especialmente ao de onte no salón de Congresos José Peña, e a cada vez maior corrente de simpatía dos veciños de Cambados, tanto do casco urbano como especialmente do rural, de cara a esta candidatura, fai que Tino Cordal e todo o seu equipo afronten co máximo optimismo os últimos días da campaña.

SOMOS CAMBADOS REUNIRASE ESTE XOVES COS VECIÑOS DE OUBIÑA E O VENRES REALIZARÁ A OFRENDA FLORAL DO DÍA DAS LETRAS

Somos Cambados celebrará un encontro cos veciños de Oubiña este  xoves 16 ás 21:00 horas no centro cultural desta parroquia. Neste acto intervirán Tino Cordal, candidato á alcaldía e veciño de Oubiña, o concelleiro de Economía e Promoción Económica, Xurxo Charlín, e a número 3 da candidatura, Carolina Laya, e Fernando Patricio, número 4 da candidatura de Somos Cambados.

DÍA DAS LETRAS GALEGAS

O venres, día das Letras Galegas, Somos Cambados realizará ás 12 da mañá a tradicional ofrenda floral ante o monumento a Cabanillas no paseo da Calzada. Seguidamente, candidatos desta forza política lerán textos do xeógrafo e historiador, Antón Fraguas, autor ao que se lle dedica este ano o día das nosas Letras.

Aproveitando este día, Somos Cambados reafírmase no seu compromiso de defender o uso da lingua e a cultura galegas en todos os ámbitos da nosa sociedade.

SOMOS CAMBADOS INICIA ESTE SÁBADO EN CORVILLÓN E O DOMINGO EN VILARIÑO OS SEUS ENCONTROS COS VECIÑOS

Este sábado, ás 20:30 horas no colexio público de Corvillón, a formación liderada por Tino Cordal iniciará o que vai ser unha campaña electoral moi intensa. Neste primeiro acto intervirán, ademais do candidato á alcaldía por Somos Cambados, Tino Cordal, o concelleiro de Economía, Xurxo Charlín, a número 3 da candidatura e veciña de Corvillón, Carolina Laya, e dous dos candidatos desta parroquia: Antón Sineiro e Rosa María Agra.

Ademáis dos dous concelleiros de Somos Cambados, no encontro de Corvillón intervirán:

Carolina Laya. Veciña de Corvillón. Licenciada en Xornalismo e empresaria. Traballou durante 5 anos no Reino Unido en diferentes empresas do ámbito da comunicación, as ventas e a comercialización dixital, alcanzado os postos de Marketing Manager e PPC Executive. Nestes postos de dirección xestionou importantes presupostos, ademais de exercer de formadora de distintas áreas empresariais. De volta a Cambados, fundou a súa propia empresa desde a que traballa para importantes firmas de Estados Unidos, Alemania, Inglaterra ou Francia.

Antón Sineiro Fernández. Veciño de Corvillón. Xubilado. Expresidente da Asociación de Taxistas de Cambados.

Rosa María Agra Aragunde. Veciña de Corvillon. Traballadora de limpeza doméstica e catequista da Parroquia de Corvillón.

MITIN EN VILARIÑO

O domingo, ás 12:30 h. no Centro Cultural de Vilariño, Somos Cambados ten unha cita cos veciños de Vilariño para explicarlles o seu proxecto para os próximos catro anos. Ademais dos dous concelleiros cos que conta esta formación, Tino Cordal e Xurxo Charlín,  intervirá Carolina Laya, número tres da candidatura e natural de Vilariño, o número catro, Fernando Patricio Rey, e unha das candidatas desta parroquia, Mabel Falcón.

Ademais de Tino, Xurxo e Carolina, en vilariño intervirán:

Fernando Patricio Rey. Natural de Castrelo. Axente inmobiliario. Directivo dunha cooperativa vitivinícola e presidente do Club de Atletismo Cambados.

Mabel Falcón Dosío. Veciña de Vilariño. Licenciada en Tradución e Interpretación. Diplomada en Turismo. Técnica en Comercio exterior. Profesora de idiomas, tradutora e intérprete.

Somos Cambados afronta esta campaña electoral con moito optimismo e ilusión, e coa garantía do traballo realizado no concello nestes catro anos como o seu principal aval.  O obxectivo que se marca a candidatura liderada por Tino Cordal é obter a alcaldía. Para elo afrontarán unha intensa campaña centrada en explicar a xestión realizada nestes catro anos e en difundir un ambicioso programa de goberno.