SOMOS CAMBADOS COLLE FORZAS DE CARA ÁS VINDEIRAS ELECCIÓNS MUNICIPAIS

Somos Cambados celebrou esta mañá una importante asemblea xeral, moi concorrida, na que se aprobou por unanimidade a constitución de Somos Cambados como unha nova organización política, mantendo o seu carácter asembleario, aberto, horizontal e participativo

O modelo de plataforma veciñal segue sendo similar na práctica, aínda que formalmente Somos Cambados dótase duns órganos e dunha estrutura organizativa que lle permitirá consolidar o seu proxecto nos próximos anos, coa finalidade principal de seguir traballando para mellorar a vida das cambadesas e dos cambadeses.

Seguir leyendo «SOMOS CAMBADOS COLLE FORZAS DE CARA ÁS VINDEIRAS ELECCIÓNS MUNICIPAIS»

SOMOS CAMBADOS PRESENTA UNHA MOCIÓN PARA CONDENAR A INVASIÓN RUSA DE UCRAÍNA

O voceiro de Somos Cambados, Tino Cordal, rexistrou unha moción na que se insta ao Concello de Cambados a que condene rotundamente a invasión rusa de Ucraína e manifeste a súa solidariedade co pobo ucraíno

O 24 de febreiro Rusia iniciou a invasión de Ucraína. Unha acción bélica sen ningunha xustificación que viola o dereito internacional e a integridade territorial dun Estado europeo soberano, e tamén o principio de paz humanitaria.

Esta desapiadada acción, cuxo único culpable é o Presidente da Federación Rusa, Vladimir Putin, ameaza a estabilidade de Europa e as vidas da súa cidadanía. Xa que logo, todas as persoas residentes neste continente estamos ameazados e debemos involucrarnos, na medida das nosas posibilidades, para intentar frear esta invasión.

Seguir leyendo «SOMOS CAMBADOS PRESENTA UNHA MOCIÓN PARA CONDENAR A INVASIÓN RUSA DE UCRAÍNA»

SOMOS CAMBADOS PRESENTA UNHA MOCIÓN PARA QUE AS ENTIDADES BANCARIAS PRESTEN UNHA ATENCIÓN ADECUADA ÁS PERSOAS MAIORES E A CONSUMIDORES VULNERABLES

O concepto de «edadismo» fai referencia, segundo a Organización Mundial da Saúde (OMS), «aos estereotipos, aos prexuízos e á discriminación contra as persoas debido á súa idade». Encerra un cariz negativo da vellez, e del derívanse actitudes e prácticas non procedentes con estas persoas; entre outras, o feito de consideralas como unha carga social, de tomar decisións por elas ou dificultar o seu acceso a bens e servizos básicos. Xa que logo, o edadismo é unha forma grave de discriminación social que ten consecuencias negativas para quen o sofre. Non afecta a un grupo social concreto, esténdese á poboación no seu conxunto, posto que a vellez é un período evolutivo vital máis.

Seguir leyendo «SOMOS CAMBADOS PRESENTA UNHA MOCIÓN PARA QUE AS ENTIDADES BANCARIAS PRESTEN UNHA ATENCIÓN ADECUADA ÁS PERSOAS MAIORES E A CONSUMIDORES VULNERABLES»

SOMOS CAMBADOS REXEITA A CONVOCATORIA DA ASOCIACIÓN RUTA DO VIÑO RÍAS BAIXAS EN PONTEVEDRA E VOLVE RECLAMAR O TRASLADO DA SEDE DO CONSELLO REGULADOR DA D.O. A CAMBADOS

Somos Cambados lembra que o traslado da Sede da Denominación de Orixe foi apoiada por todos os concellos e grupos políticos da comarca na Mancomunidade do Salnés.

A Asemblea Xeral Ordinaria, que normalmente se celebraba ata o de agora en Cambados, está convocada para o xoves 27 en Pontevedra.

Tino Cordal, portavoz de Somos Cambados, expresou hoxe o seu malestar pola convocatoria da reunión da asemblea xeral ordinaria da Asociación Ruta do Viño Rías Baixas en Pontevedra para este xoves 27 de xaneiro. Somos Cambados rexeita a convocatoria desta asemblea en Pontevedra cando a sede da Asociación Ruta do Viño Rías Baixas está en Cambados, na rúa do Príncipe nº 10, no baixo do Pazo de Torrado, local que foi acondicionado polo Concello de Cambados para o traballo administrativo e a atención ao público da devandita asociación. Se precisaran outro local maior por cuestión de aforo, poderían facer a asemblea na Casa da Calzada (Exposalnés), no Museo do Viño ou no Auditorio Municipal da Xuventude, por citar tres posibles espazos para esa reunión.

Seguir leyendo «SOMOS CAMBADOS REXEITA A CONVOCATORIA DA ASOCIACIÓN RUTA DO VIÑO RÍAS BAIXAS EN PONTEVEDRA E VOLVE RECLAMAR O TRASLADO DA SEDE DO CONSELLO REGULADOR DA D.O. A CAMBADOS»

SOMOS CAMBADOS LEVA A PLENO UNHA MOCION EN APOIO E VISVILIDADE DO COLECTIVO DAS PERSOAS TRANS

MOCIÓN
O Grupo municipal de Somos Cambados quere mostrar o seu apoio ao colectivo de persoas trans dándolle visibilidade, xa que é imposible axudar a quen non recoñece que necesita axuda, sexa unha persoa ou un conxunto delas. No estado a nosa Constitución no seu Título I, artigo 14 establécese que “os españois son iguais ante a Lei, sen que poida prevalecer discriminación algunha por razón de nacemento, raza, sexo, relixión, opinión ou calquera outra condición ou circunstancia persoal ou social” e o Artigo 9.2: “ Corresponde aos poderes públicos promover as condicións para a liberdade e a igualdade do individuo e dos grupos en que se integra sexan reais e efectivas; remover os obstáculos que impidan ou dificulten a súa plenitude e facilitar a participación de todos os cidadáns na vida política, económica, cultural e social”.

Seguir leyendo «SOMOS CAMBADOS LEVA A PLENO UNHA MOCION EN APOIO E VISVILIDADE DO COLECTIVO DAS PERSOAS TRANS»