En Marea responsabiliza ao goberno de Feijóo do colapso do sistema sanitario e apoiará as mobilizacións de SOS Sanidade Pública contra a nova Lei de Saúde

Luís Villares, voceiro de En Marea: “A única maneira de frear o deterioro do sistema sanitario público é apoiar as mobilizacións contra a reforma da lei de Saúde”

Manuel Martín, voceiro de SOS Sanidade Pública: “A política de contrarreforma do sistema e algunha das medidas que queren poñer en marcha o goberno de Feijóo poden significar a crise definitiva do sistema sanitario público en Galicia”

O voceiro de En Marea Luís Villares e maila deputada e voceira de Sanidade no Parlamento Eva Solla reuníronse esta tarde coa Plataforma SOS Sanidade Pública, unha xuntanza na que lle trasladaron o apoio de En Marea ás mobilizacións convocadas para esixir a retirada do anteproxecto de Lei de Saúde de Galicia.

“Non existe un colapso de Urxencias, existe un colapso do sistema sanitario galego e o responsable dese colapso non é unha gripe calquera, é a gripe do goberno de Feijóo, que mediante a privatiación dos servizos sanitarios e mediante o recorte, sobre todo en materia de persoal, está provocando un deterioro absoluto da calidade do servizo que está producindo tamén un deterioro da saúde das galegas e galegos”, sinalou Villares, “por iso estamos convencidos de que a única maneira de frear isto é apoiando as mobilizacións en contra da reforma da Lei de Saúde de Galicia, que encobre unha privatización e unha merma da calidade do servizo que afecta ao conxunto da poboación”.

Pola súa banda, o voceiro da Plataforma SOS Sanidade Pública, Manuel Martín, agradeceu o apoio expresado por En Marea. “Cremos que estamos nun momento clave para o sistema sanitario, a política de contrarreforma do sistema e algunha das medidas que queren poñer en marcha o goberno de Feijóo poden significar a crise definitiva do sistema sanitario público en Galicia”, indicou Martin, que considera que “estamos nun momento chave e por iso facemos un chamamento á poboación, a toda a xente por enriba da súa ideoloxía para que respalden as mobilizacións”.

O día 24 de xaneiro haberá concentracións en todas as áreas sanitarias organizadas por cada unha das plataformas e o día 4 de febreiro haberá unha gran mobilización pola mañá en Santiago de Compostela. “As demandas serán a retirada do decreto que supón modificar a Lei Galega de Saúde e a defensa da sanidade pública porque vemos como os recortes impostos polo actual goberno puxeron en perigo a atención sanitaria da cidadanía”, lembrou o voceiro de SOS Sanidade Pública, que cuestionou as políticas recentralizadoras en materia de sanidade do goberno de Feijóo.

1 pensamiento sobre “En Marea responsabiliza ao goberno de Feijóo do colapso do sistema sanitario e apoiará as mobilizacións de SOS Sanidade Pública contra a nova Lei de Saúde”

  1. Monsieur,Nous vous remercions pour votre commentaire.Effectivement, il y a beaucoup d’absences dans la bibliographie n’ayant noté que les ouvrages que j’ai pu me procurer.De surcroît, le format originel de ce travail était celui d’une brève tactique destinée de prime abord aux réseaux sociaux, requérant ainsi une certaine synthèse et donc une bibliographie en somme limitée.Je prends néanmoins note de vos références afin de les lire et m’en servir pour d’éventuels futurs articles sur la Commune de Paris. D’autres ont d’ailleurs été écris depuis, je ne peux que vous les recommander.CordialementCyril BlanchardTrès très bon article. Très clair et bien écrit.Moi qui adore l’histoire j’ai appris plein de choses. Bravo.Good day! I could have sworn I’ve been to your blog before but after looking at manyof the posts I realized it’s new to me. Regardless, I’mcertainly happy I stumbled upon it and I’ll be bookmarking it and checking back regularly!

Deja una respuesta

Tu dirección de correo electrónico no será publicada.