O Concello de Cambados pecha o 2016 coa Taxa de Desemprego máis baixa dende o exercicio 2008

– Os Datos de afiliación a seguridade social no Concello de Cambados a peche de 2016 sitúan o concello con 4.426 afiliados e 1.233 desempregados.

– A taxa situase no 21,79% en 2016, a máis baixa dende o 2008, que estaba no 18,69%, chegando nos exercicios 2012 e 2013 a superar o 29%.

O Concello de Cambados ven de reducir a Taxa de Desemprego a datos de 2008, obtendo no peche do exercicio 2016, os mellores datos dos últimos 8 exercicios. Os datos de afiliación, feitos públicos pola web da Seguridade Social en Decembro de 2016, reflexa en Cambados un total de 4.426 Afiliados, por outra banda, segundo os datos da web do Instituto Galego de Estatística, reflexa un total de 1.233 desempregados inscritos no concello de Cambados no mesmo período.

A taxa de desemprego é a porcentaxe de desempregados sobre a poboación activa. A poboación activa defínese como as persoas maiores de 16 e menores de 65 que están traballando ou en procura activa de emprego. Ao non existir unha enquisa de poboación activa (EPA) a nivel municipal, o dato de poboación activa da maior parte dos municipios non se coñece. En teoría a poboación activa é igual ao número de parados dunha localidade máis o número de traballadores da mesma. O problema desta fórmula é que, mentres os parados rexistrados dunha localidade son aqueles que residen nela, os empregados dados de alta na Seguridade Social son os que traballan en centros de traballo pertencentes a devandita localidade, pero poden vivir noutro lugar. Parécenos importante sinalar que hai diferentes formas de calcular a taxa de desemprego. De feito a nivel Europeo atopámonos con que a taxa de desemprego de España varía segundo publíquea o Eurostat ou o INE e isto é simplemente polo método de cálculo. Polo tanto, aínda que creemos que o método aquí empregado, aplicar a fórmula que propón o INE que di que a Poboación activa é a suma de parados máis ocupados (traballadores), é un método válido, non pretendemos que sexa único.

Segundo este criterio a Taxa de Desemprego do Concello de Cambados situase no dato máis baixo dende o 2008, cun 21,79%, a pesares de ser un dato moi elevado, hai que sinalar que se trata do dato máis baixo dende o 2008, no que Cambados pechou o exercicio cunha Taxa de Desemprego do 18,69%, e que se sitúa lonxe dos datos dos exercicios 2013 e 2012, nos que a Taxa de Desemprego superaban o 29%. Dende o goberno municipal, e dende a cautela de que inda hai 1.233 veciñas e veciños de Cambados en situación de Desemprego, entendemos como positivos estes datos xa que a loita contra o Desemprego tratase dunha das principais tarefas a levar a cabo nesta lexislatura, xa que na complexa situación social que estamos a vivir marcada por unha crise económica que afecta a moitas familias do noso concello entendemos que a institución municipal debe ser sensíbel, estar atenta ás necesidades dos veciños e veciñas e traballar por mellorar a súa situación dentro das nosas competencias.