SOMOS CAMBADOS celebrará mañá xoves ás 21.00 horas no centro cultural de Oubiña un mitin onde os candidatos abordarán as súas problemáticas, centradas na grave crise que está padecendo o sector agrario e a alta taxa de desemprego. A asistencia aos actos celebrados ata agora nas parroquias e no mitin central, están superando as expectativas máis optimistas. No último deles, o que tivo lugar o pasado martes en Vilariño, SOMOS CAMBADOS logrou reunir a 60 veciños. Esta extraordinaria acollida danos máis forza para conseguir liderar o cambio en Cambados.